Հալեպում երկրաշարժի հետևանքով զոհված հայերից մեկը Սիրիայի և Հայաստանի քաղաքացի է

ԵՐԵՎԱՆ, 6 ՓԵՏՐՎԱՐԻ, ԱՐՄԵՆՊՐԵՍ։ Հայաստանի ԱԳՆ մամուլի քարտուղար Վահան Հունանյանը հայտնել է, որ այս պահի դրությամբ առկա ճշգրտված տեղեկատվության համաձայն՝ երկրաշարժի հետևանքով Սիրիայի Հալեպ քաղաքում զոհված երկու հայերից մեկը երկքաղաքացի է (Սիրիայի և Հայաստանի)։

«Աշխատանքներ են տարվում նաև Թուրքիայում տուժածների շրջանում ՀՀ քաղաքացիների առկայության մասին տեղեկատվություն ստանալու ուղղությամբ։

Նոր տվյալներ ստանալուն պես կտրամադրենք լրացուցիչ տեղեկատվություն»,- հավելել է Հունանյանը։

Երկրաշարժի հետևանքով Սիրիայում զոհվածների թիվը հասել է 237-ի, 639 մարդ վիրավորվել է: