ԲԴԽ-ն հաստատել է վերաքննիչ վարչական դատարանում նշանակվելու համար առաջխաղացման ենթակա դատավորների ցուցակը
1 րոպեի ընթերցում
![ԲԴԽ-ն հաստատել է վերաքննիչ վարչական դատարանում նշանակվելու համար առաջխաղացման ենթակա դատավորների ցուցակը](http://armenpress.am/resized/480/static/news/b/2022/12/1100848.jpg)
ԵՐԵՎԱՆ, 29 ԴԵԿՏԵՄԲԵՐԻ, ԱՐՄԵՆՊՐԵՍ: Բարձրագույն դատական խորհուրդը հաստատել է վերաքննիչ վարչական դատարանում նշանակվելու համար առաջխաղացման ենթակա դատավորների ցուցակը:
«Արմենպրես»-ի փոխանցմամբ՝ ինչպես հայտնում են ԲԴԽ-ից, Բարձրագույն դատական խորհուրդը 2022 թվականի դեկտեմբերի 26-ին դռնփակ նիստում որոշել է վերաքննիչ վարչական դատարանում նշանակվելու համար առաջխաղացման ենթակա դատավորների թեկնածուների ցուցակում ընդգրկել վարչական դատարանի դատավորներ՝ Աղասի Դարբինյանին՝ 9 կողմ, 0 դեմ, Ռուզաննա Ազրոյանին՝ 9 կողմ, 0 դեմ և Մերի Համբարձումյանին՝ 9 կողմ, 0 դեմ ձայներով:
Վերաքննիչ վարչական դատարանում նշանակվելու համար առաջխաղացման ենթակա դատավորների ցուցակում է ընդգրկվել նաև Մարդու իրավունքների պաշտպանի աշխատակազմի Գեղարքունիքի մարզային ստորաբաժանման ղեկավար Հայկ Խաչատրյանը՝ 8 կողմ, 1 դեմ ձայներով: