362.34
Կարմիր խաչը Հայաստանից Արցախ 10 տոննա մարդասիրական բեռ է տեղափոխել
1 րոպեի ընթերցում
ԵՐԵՎԱՆ, 25 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանը 10 տոննա մարդասիրական բեռ է ուղարկել Լեռնային Ղարաբաղ: «Արմենպրես»-ի հետ զրույցում այս մասին տեղեկացրեց Կարմիր խաչի միջազգային կոմիտեի հայաստանյան պատվիրակության հաղորդակցման ծրագրերի ղեկավար Զառա Ամատունին։
«Կարմիր խաչի միջազգային կոմիտեի բեռնատարը Լաչինի միջանցքով 10 տոննա մարդասիրական բեռ է հասցրել», - ասել է Ամատունին։
Նա պարզաբանել է, որ խոսքը վերաբերում է դեղերին, մանկական սննդին եւ այլ մթերքին, որը փոխանցվել է Լեռնային Ղարաբաղի բուժհաստատություններին։
ԿԽՄԿ հայաստանյան պատվիրակության հաղորդակցման ծրագրերի ղեկավարի խոսքով՝ աջակցություն է ցուցաբերվել Հայաստանի իշխանությունների կողմից։ ԿԽՄԿ֊ն տրամադրել է տրանսպորտային միջոցը եւ ապահովել դրա անցումը միջանցքով։
Բաժանորդագրվեք մեր ալիքին Telegram-ում