1 րոպեի ընթերցում
ԵՐԵՎԱՆ, 16 ԴԵԿՏԵՄԲԵՐԻ, ԱՐՄԵՆՊՐԵՍ: Դերասան, հաղորդավար Խորեն Լևոնյանը «Ինստագրամ»-ի իր պաշտոնական էջի «Սթորի» բաժնում անդրադարձել է իր մասնակցությամբ վթարին:
«Արմենպրես»-ի հաղորդմամբ՝ նա գրել է. «Վթար էր, անցավ, գնաց: Շնորհակալ եմ ցուցաբերած անհանգստության համար: Ես լավ եմ, ամեն բան նորմալ է: Սիրով ձեր՝ Խորեն Լևոնյան»:
Դեկտեմբերի 15-ին համացանցում լուրեր էին տարածվել արտիստի՝ վթարի ենթարկվելու և հիվանդանոց տեղափոխվելու մասին: Shamshyan.com-ը հայտնել էր, որ ավտովթարը տեղի է ունեցել Երևանի Ագաթանգեղոսի փողոցում ժամը 18:40-ին: Լևոնյանի վարած Suzuki ավտոմեքենային է բախվել Tesla մակնիշի ավտոմեքենա, որի վարորդը, ըստ սթափության փորձաքննության արդյունքների, ոչ սթափ վիճակում է եղել: