Արգենտինա-Խորվաթիա խաղից հետո ինչպես է ցնծում Բուենոս Այրեսը. «Արմենպրես»-ի տեսանյութը

ԵՐԵՎԱՆ, 14 ԴԵԿՏԵՄԲԵՐԻ, ԱՐՄԵՆՊՐԵՍ: Ֆուտբոլի աշխարհի առաջնության կիսաեզրափակիչում Արգենտինա-Խորվաթիա խաղից հետո մայրաքաղաք Բուենոս Այրեսը վերածվել է տոնական հրապարակի:

«Արմենպրես»-ի բացառիկ տեսանյութը Բուենոս Այրեսից՝ ցույց է տալիս, թե ինչպես են արգենտինացիները տոնել խոշոր հաշվով հաղթանակը:

View this post on Instagram

A post shared by Sport_Armenpress (@sports_armenpress)

Ֆուտբոլի աշխարհի առաջնության առաջին կիսաեզրափակիչի շրջանակներում Արգենտինան մրցեց Խորվաթիայի հետ: Հանդիպման33-րդ րոպեին, երբ Խորվաթիայի դարպասապահը սեփական տուգանային հրապարակում խախտեց խաղի կանոններն, Արգենտինան11-մետրանոց հարվածի իրավունք ստացավ:Այն անվրեպ իրացրեց Լեո Մեսսին:Վերջինս այս գոլով դարձավ Արգենտինայի հավաքականի կազմում աշխարհի առաջնություններում բոլոր ժամանակների լավագույն ռմբարկուն(11գնդակ):

Արգենտինան օգտագործեց իր հնարավորությունը38-րդ րոպեին,երբ գեղեցիկ անցումից հետո գնդակը մրցակցի դարպասն ուղարկեց Խուլիան Ալվարեսը:

Արգենտինայի ընտրանու ավագը՝ Լեո Մեսսին, իր կազմակերպած գրոհը եզրափակեց գոլային փոխանցմամբ,որն էլ դիպուկ հարվածով ավարտեց Խուլիան Ալվարեսը(դուբլ):

Արգենտինա-Խորվաթիա` 3:0:

Ֆուտբոլի աշխարհի առաջնության մյուս կիսաեզրափակիչում կմրցեն Ֆրանսիայի և Մարոկկոյի հավաքականները: Իսկ եզրափակիչը կկայանա դեկտեմբերի 18-ին և կմեկնարկի Երևանի ժամանակով 19:00-ին: