368.45
Մալխաս Ամոյանը աշխարհի Մ23 տարեկանների առաջնության հաղթանակը նվիրել է հայ և եզդի ազգերին
1 րոպեի ընթերցում
ԵՐԵՎԱՆ, 19 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի հունահռոմեական ոճի ըմբշամարտի հավաքականի անդամ, Մ23 տարեկանների աշխարհի առաջնության չեմպիոն Մալխաս Ամոյանը չեմպիոնությունը նվիրում է հայ և եզդի ազգերին:
«Անցել ենք դժվար ճանապարհ և դեռ պետք է անցնենք։ Շնորհակալ եմ բոլորիդ: Հաղթանակս նվիրում եմ հայ և եզդի ազգերին։ Այս հաղթանակը բոլորինս է»,-«Արմենպրես»-ի հաղորդմամբ` սոցցանցերի իր էջերում գրել է Ամոյանը:
Նախօրեին Իսպանիայի Պոնտևեդա քաղաքում կայացած աշխարհի Մ23 տարեկանների աշխարհի առաջնության 77 կգ քաշային կարգում Մալխաս Ամոյանը հասել էր մինչև եզրափակիչ և առավելության հասել մոլդովացի Ալեքսանդրին Գուտուի նկատմամբ` 7:2 հաշվով:
Բաժանորդագրվեք մեր ալիքին Telegram-ում