396.58
Թեոդոր Կուռենտզիսի ղեկավարությամբ musicAeterna նվագախումբը և երգչախումբն առաջին անգամ ելույթ կունենան Հայաստանում
1 րոպեի ընթերցում
ԵՐԵՎԱՆ, 6 ՀՈԿՏԵՄԲԵՐԻ, ԱՐՄԵՆՊՐԵՍ: Դիրիժոր Թեոդոր Կուռենտզիսի ղեկավարությամբ musicAeterna նվագախումբն ու երգչախումբը հոկտեմբերի 14-17-ը առաջին անգամ ելույթ կունենան Հայաստանում։
«Արմենպրես»-ի փոխանցմամբ՝ ինչպես հայտնում են ՀՀ էկոնոմիկայի նախարարությունից՝ նախագիծն իրականացվում է ՀՀ կրթության, գիտության, մշակույթի, սպորտի, և Էկոնոմիկայի նախարարությունների մասնակցությամբ:
Կոլեկտիվի առաջին անգամ հայաստանյան հյուրախաղերը տեղի են ունենում Վարդուհի Նազարյանի նախաձեռնությամբ:
Նախագծի կազմակերպիչը Հայաստանի ազգային ֆիլհարմոնիկ նվագախումբ և Արամ Խաչատրյան համերգասրահն են:
Առաջին համերգը կկայանա հոկտեմբերի 14-ին ժամը 19։30-ին Արամ Խաչատրյան համերգասրահում։
Ծրագիր՝
Պյոտր Իլյիչ Չայկովսկի՝ «Ֆրանչեսկա դա Ռիմինի» սիմֆոնիկ ֆանտազիա (ըստ Դանթեի)
Իտալական կապրիչո
«Ռոմեո և Ջուլիետ» նախերգանք-ֆանտազիա (ըստ Շեքսպիրի)
Շրջագայության ծրագրի գագաթնակետն է հոկտեմբերի 16-ին Արամ Խաչատրյանի համերգասրահում ժամը 19։30-ին կայանալիք՝ Ալֆրեդ Շնիտկեի Երգչախմբային կոնցերտի կատարումը:
Բաժանորդագրվեք մեր ալիքին Telegram-ում