ՀՀ ոստիկանությունը հայտնում է սեպտեմբերի 26-ին տեղի ունեցած 6 ՃՏՊ-ի մասին

ԵՐԵՎԱՆ, 27 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ ոստիկանությունը հայտնում է, որ սեպտեմբերի 26-ին Հայաստանում տեղի է ունեցել 6 ՃՏՊ։

«Արմենպրես»-ի հաղորդմամբ՝ սեպտեմբերի 26-ին, ժամը 20.55-ին, Երևանի Արցախի պողոտայում «Տոյոտա» մակնիշի ավտոմեքենայի վարորդը վրաերթի է ենթարկել 22-ամյա քաղաքացու, որը մարմնական վնասվածքներով տեղափոխվել է հիվանդանոց:

Կատարվում է քննություն։

«Սեպտեմբերի 26-ին, 74-ամյա քաղաքացին բուժօգնության է դիմել հիվանդանոց և հայտնել, որ վնասվածքները ստացել է սեպտեմբերի 23-ին, ժամը 15.00-ին, Երևանի Քանաքեռցու փողոցում մոպեդով մայթեզրի եզրաքարերին բախվելու հետևանքով:

Կատարվում է քննություն։

Սեպտեմբերի 26-ին, ժամը 13.20-ի սահմաններում, Մասիս քաղաքի Կենտրոնական հրապարակում «ԿԻԱ Սորենտո» մակնիշի ավտոմեքենայի վարորդը վրաերթի է ենթարկել 67-ամյա քաղաքացու, որը մարմնական վնասվածքներով տեղափոխվել է հիվանդանոց:

Կատարվում է քննություն։

Սեպտեմբերի 26-ին, ժամը 07.45-ի սահմաններում, Արմավիրի մարզի Մյասնիկյան-Դալարիկ ճանապարհի 2-րդ կմ-ին իրար են բախվել «Մերսեդես» և «Օպել Վեկտրա» մակնիշի ավտոմեքենաներ. «Օպել Վեկտրայի» 68-ամյա ուղևորուհին մարմնական վնասվածքներով տեղափոխվել է հիվանդանոց:

Կատարվում է քննություն»,- ասվում է հաղորդագրության մեջ։

Ըստ աղբյուրի՝ սեպտեմբերի 26-ին, ժամը 19.15-ի սահմաններում, Արմավիրի մարզի Մյասնիկյան գյուղում «Մերսեդես Բենց-Ց 280» մակնիշի ավտոմեքենայի վարորդը վրաերթի է ենթարկվել 24-ամյա քաղաքացու, որը մարմնական վնասվածքներով տեղափոխվել է հիվանդանոց:

Մեկ այլ ՃՏՊ տեղի է ունեցել Մեծամոր քաղաքում։ Այստեղ նույն օրվա ժամը 22.30-ի սահմաններում իրար են բախվել «ԳԱԶ-31029», «Ֆոլքսվագեն» և «ՎԱԶ-2107» մակնիշի ավտոմեքենաներ. «ՎԱԶ-2107»-ի 27-ամյա վարորդը մարմնական վնասվածքներով տեղափոխվել է հիվանդանոց:

Կատարվում է քննություն։

Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: