Ուկրաինան կոչ է անում ՀՀ-ին և Ադրբեջանին հակամարտությունը կարգավորել քաղաքական և դիվանագիտական ճանապարհով
1 րոպեի ընթերցում
ԵՐԵՎԱՆ, 13 ՍԵՊՏԵՄԲԵՐԻ, ԱՐՄԵՆՊՐԵՍ: Ուկրաինայի արտաքին գործերի նախարարությունն արձագանքել է հայ-ադրբեջանական սահմանային լարվածությանը: Ինչպես տեղեկացնում է «Արմենպրես»-ը, վկայակոչելով korrespondent.net-ը, Ուկրաինայի արտաքին գործերի նախարարության խոսնակ Օլեգ Նիկոլենկոն հայտարարել է, որ Ուկրաինան ուշադիր հետեւում է Ադրբեջանի եւ Հայաստանի սահմանին իրավիճակի զարգացմանը։
«Հակամարտության քաղաքական և դիվանագիտական կարգավորման կոչ ենք անում կողմերին՝ պահպանելով միջազգային իրավունքի նորմերը, մասնավորապես, հարգելով պետությունների ինքնիշխանությունն ու տարածքային ամբողջականությունը իրենց միջազգայնորեն ճանաչված սահմաններում», - ասել է նա: