1 րոպեի ընթերցում
ԵՐԵՎԱՆ, 12 ՍԵՊՏԵՄԲԵՐԻ, ԱՐՄԵՆՊՐԵՍ: Ֆրանսիան կշարունակի ռուսաստանցիներին կարճաժամկետ վիզաներ տրամադրել, սակայն կբարձրացնի վիզայի վճարը և կվերանայի հայտերի ժամկետները:
Ինչպես հաղորդում է «Արմենպրես»-ը, վկայակոչելով «ՌԻԱ Նովոստի»-ն, այս մասին ասվում է Ռուսաստանում Ֆրանսիայի դեսպանության «Տելեգրամ» ալիքում:
«Հաշվի առնելով Ռուսաստանի՝ Ուկրաինայի դեմ ագրեսիան՝ Ռուսաստանի և ԵՄ-ի միջև վիզային ռեժիմի դյուրացման համաձայնագիրը կասեցվել է»,-ասվում է հաղորդագրության տեքստում: