368.53
Հարավային Կորեան և Լեհաստանը տանկերի ու հաուբիցների արտահանման 5,8 մլրդ դոլարի պայմանագիր են ստորագրել
1 րոպեի ընթերցում
ԵՐԵՎԱՆ, 27 ՕԳՈՍՏՈՍԻ, ԱՐՄԵՆՊՐԵՍ։ Հարավկորեական երկու ընկերություն տանկերի և հաուբիցների արտահանման 5,76 միլիարդ դոլարի պայմանագիր են ստորագրել Լեհաստանի հետ։ Ինչպես հաղորդում է «Արմենպրես»-ը, այս մասին հայտնել է Սեուլի սպառազինությունների գնման գործակալությունը։
Reuters-ի փոխանցմամբ, համաձայնագիրը, որն օգոստոսի 26-ին ստորագրվել է Լեհաստանում, Հարավային Կորեայի կողմից երբևէ կնքված սպառազինության ամենախոշոր գործարքի մաս է կազմում։
Թեպետ կողմերը չեն հրապարակել ամբողջական գործարքի արժեքը, սակայն հարավկորեական լրատվամիջոցները հայտնում են, որ այն մոտավոր արժեցել է 15 մլրդ ԱՄՆ դոլար։
Բաժանորդագրվեք մեր ալիքին Telegram-ում