OPEC+-ը կարող է կրճատել նավթի արդյունահանումը, եթե Իրանը վերսկսի այդ էներգառեսուրսի արտադրությունն ու արտահանումը
1 րոպեի ընթերցում
![OPEC+-ը կարող է կրճատել նավթի արդյունահանումը, եթե Իրանը վերսկսի այդ էներգառեսուրսի արտադրությունն ու արտահանումը](http://armenpress.am/resized/480/static/news/b/2022/08/1090914.jpg)
ԵՐԵՎԱՆ, 23 ՕԳՈՍՏՈՍԻ, ԱՐՄԵՆՊՐԵՍ: Նավթ արտահանող երկրների կազմակերպությունը (OPEC+) կարող է կրճատել նավթի արդյունահանումը, եթե Իրանը վերսկսի այդ էներգառեսուրսի արտադրությունն ու արտահանումը ՝ Գործողությունների համատեղ համապարփակ ծրագրի (ԳՀՀԾ) վերականգնման և Թեհրանի դեմ պատժամիջոցների վերացման պայմանով: «Արմենպրես»-ի հաղորդմամբ, այս մասին տեղեկացնում է ՏԱՍՍ-ը՝ վկայակոչելով «Reuters»-ը:
«OPEC+-ի շրջանակներում նավթի արդյունահանման կրճատում չի բացառվում և կարող է համընկնել Իրանի ՝ նավթային շուկաներ վերադառնալու հետ, եթե նրան հաջողվի միջուկային գործարք կնքել Արեւմուտքի հետ», - նշում է «Reuters»-ը՝ հղում անելով իր աղբյուրին:
Գործակալության զրուցակցի խոսքով ՝ OPEC+-ի մասնակիցները մտահոգված են ԳՀՀԾ-ի հնարավոր վերականգնմամբ, ինչի արդյունքում շուկա դուրս կգան իրանական նավթի լրացուցիչ ծավալները: Կազմակերպությունը պատրաստ է կրճատել արդյունահանումը, որպեսզի նվազագույնի հասցնի նավթային շուկայի համար հետեւանքները, որը տուժել է ցածր իրացվելիությունից եւ մեծ փոփոխականությունից, նշում է «Reuters» գործակալությունը: