368.52
Էրդողանը մեկօրյա այցով կմեկնի Ուկրաինա
1 րոպեի ընթերցում
ԵՐԵՎԱՆ, 17 ՕԳՈՍՏՈՍԻ, ԱՐՄԵՆՊՐԵՍ: Թուրքիայի նախագահ Ռեջեփ Թայիփ Էրդողանը օգոստոսի 18-ին մեկօրյա այցով կմեկնի Ուկրաինա:
Այս մասին, ինչպես հաղորդում է «Արմենպրես»-ը, հայտնում է թուրքական «Անադոլու» լրատվական գործակալությունը:
Էրդողանի և Ուկրաինայի նախագահ Վոլոդիմիր Զելենսկու հանդիպման ժամանակ նախատեսվում է քննարկել ռազմավարական գործընկերության տեսանկյունից թուրք-ուկրաինական հարաբերություններին առնչվող տարբեր հարցեր:
Այցի ընթացքում նախատեսվում է նաև եռակողմ հանդիպում Ուկրաինայի նախագահ Զելենսկու և ՄԱԿ-ի գլխավոր քարտուղար Անտոնիո Գուտերեշի մասնակցությամբ։
Հանդիպման ընթացքում կքննարկվեն քայլեր, որոնք կարող են ձեռնարկվել ուկրաինա-ռուսական ռազմական գործողությունները դիվանագիտական ճանապարհով դադարեցնելու և ուկրաինական հացահատիկը համաշխարհային շուկաներ արտահանելու համար ստեղծված մեխանիզմի գործունեությունը զարգացնելու ուղղությամբ:
Հանդիպումները տեղի են ունենալու ուկրաինական Լվով քաղաքում:
Բաժանորդագրվեք մեր ալիքին Telegram-ում