ԱՄՆ-ն Ուկրաինային կտրամադրի 7,5 մլրդ դոլարի ուղղակի բյուջետային օժանդակություն

ԵՐԵՎԱՆ, 10 ՀՈՒՆԻՍԻ, ԱՐՄԵՆՊՐԵՍ: ԱՄՆ-ն Ուկրաինային 7,5 միլիարդ դոլարի օգնություն կտրամադրի բյուջեի ծախսերի ֆինանսավորման համար, հունիսի 10-ին հայտնել Է Կիեւում Միացյալ Նահանգների դեսպան Բրիջիտ Բրինքը, տեղեկացնում Է «Արմենպրես»-ը: Հունիսի 9-ին ԱՄՆ-ի դեսպանը հայտարարել Է, որ ԱՄՆ-ից Ուկրաինային արդեն ցուցաբերված օգնության ծավալը հասել Է 1 միլարդ դոլարի:

Նա հավելել Է, որ սպասվում Է եւս 7,5 միլիարդ դոլարի օգնություն Ուկրաինային ԱՄՆ-ից, բայց չի ճշտել, թե ինչ կարիքների համար կօգտագործվեն միջոցները: Մայիսին ԱՄՆ-ի նախագահ Ջո Բայդենն ստրագրել Է օրենք Ուկրաինային մոտավորապես 40 միլիարդ դոլարի լրացուցիչ օգնություն տրամադրելու մասին: Այդ գումարից, ինչպես ենթադրվում Է, շուրջ 20 միլարդ դոլարը կհատկացվի անմիջականորեն ռազմական օգնությանը:

Ուկրաինայի վարչապետն ապրիլին հայտարարել Է, որ կարճաժամկետ հեռանկարում Ուկրաինային անհրաժեշտ Է ֆինանսական օժանդակություն ամսական 4 – 5 միլիարդ դոլարի չափով: Ուկրաինայի ֆինանսների նախարար Սերգեյ Մարչենկոն մայիսին հայտնել Է, որ Ուկրաինայի բյուջերի եկամտային մասը սոսկ մեկ երրորդով Է կազմավորվում սեփական աղբյուրներից, մնացածն՝ օտարեկրյա դրամաշնորհների եւ վարկերի հաշվին, հաղորդել Է ՏԱՍՍ-ը: