1 րոպեի ընթերցում
ԵՐԵՎԱՆ, 10 ՀՈՒՆԻՍԻ, ԱՐՄԵՆՊՐԵՍ: Ֆուտբոլի Ազգերի լիգայի B ենթախմբի առաջին խմբի երրորդ տուրի շրջանակներում Հայաստանի ազգային թիմը հունիսի 11-ին կմրցի Ուկրաինայի հետ:
«Արմենպրես»-ի հաղորդմամբ` մինչ այս թիմերը միմյանց հետ հանդիպել են 8 անգամ: Հայաստանի ֆուտբոլի ընտրանին երբեք չի հաղթել Ուկրաինային: Երեք խաղ ավարտվել է ոչ-ոքի, իսկ 5-ում հաղթել է Ուկրաինան:
Ազգերի լիգայի երկրորդ տուրից հետո Հայաստանի, Ուկրաինայի և Շոտլանդիայի հավաքականներն ունեն 3-ական միավոր: Ուկրաինան ու Շոտլանդիան մեկ խաղ պակաս են անցկացրել:
Ուկրաինա-Հայաստան հանդիպումը կկայանա հունիսի 11-ին Լեհաստանի Լոձ քաղաքի «LKS» մարզադաշտում: