1 րոպեի ընթերցում
ԵՐԵՎԱՆ, 4 ՀՈՒՆԻՍԻ, ԱՐՄԵՆՊՐԵՍ: Թեհրանը ողջունել է Եմենում հրադադարի՝ ևս երկու ամսով երկարաձգումը: Ինչպես հաղորդում է «Արմենպրես»-ը, վկայակոչելով «ՏԱՍՍ»-ին, այս մասին հունիսի 4-ին հայտարարել է Իրանի ԱԳՆ պաշտոնական ներկայացուցիչ Սաիդ Հատիբզադեն:
«Իրանը հույս ունի, որ գործադրվող ջանքերի շնորհիվ հնարավոր կլինի լիարժեք դուրս գալ արգելափակումից, հաշտություն հաստատել և հակամարտության քաղաքական լուծում գտնել»,-հրադադարի լուրն այսպես է մեկնաբանել դիվանագետը:
Նրա խոսքով՝ Թեհրանը ճգնաժամի լուծումը տեսնում է քաղաքական գործընթացներում և ջանք է գործադրում արդար խաղաղության հասնելու համար:
2014 թվականից սկսած հութիները պատերազմում են Եմենի դեմ:
Էր Ռիադում մարտի 30-ից մինչև ապրիլի 7-ը առանց հութիների մասնակցության անցկացվել են միջեմենական խորհրդակցություններ, որոնք կազմակերպվել են Պարսից Ծոցի արաբական պետությունների նախաձեռնությամբ և ՄԱԿ-ի հովանու ներքո: Հանդիպումների ժամանակ Եմենի հարցերով ՄԱԿ-ի հատուկ ներկայացուցիչ Հանս Գրունդբերգը հայտարարել է, որ բանակցողները համաձայնվել են երկու ամսով դադարեցնել ռազմական գործողությունները: Ապստամբները, որոնք վերահսկում են Եմենի հյուսիսային շրջաններն, աջակցել են ՄԱԿ-ի զինադադարին։