Ողջունում ենք ժողովրդավարական բարեփոխումներ իրականացնելու՝ Հայաստանի կառավարության հանձնառությունը. Լիտվայի նախագահ
1 րոպեի ընթերցում
ԵՐԵՎԱՆ, 20 ՄԱՅԻՍԻ, ԱՐՄԵՆՊՐԵՍ: Լիտվան ողջունում է ժողովրդավարական բարեփոխումներ իրականացնելու՝ Հայաստանի կառավարության հանձնառությունը:
«Արմենպրես»-ի փոխանցմամբ՝ այս մասին «Թվիթեր»-ի իր միկրոբլոգում գրել է Լիտվայի նախագահ Գիտանաս Նաուսեդան, ով պաշտոնական այցով գտնվում է Հայաստանում և հանդիպել է ՀՀ նախագահ Վահագն Խաչատուրյանի հետ:
«Մեկնարկել է իմ այցը Հայաստան, որը Եվրամիության կարևոր գործընկերն է կովկասյան տարածաշրջանում: Ողջունում ենք ժողովրդավարական բարեփոխումներ իրականացնելու՝ Հայաստանի կառավարության հանձնառությունը: Լիտվան կողմ է ԵՄ-Հայաստան համագործակցության առավել սերտացմանը: Շնորհակալ եմ Վահագն Խաչատուրյանին ջերմ ընդունելության համար»,- գրել է Նաուսեդան: