1 րոպեի ընթերցում
ԵՐԵՎԱՆ, 29 ԱՊՐԻԼԻ, ԱՐՄԵՆՊՐԵՍ: Կյանքից հեռացել է դիվանագետ Արմեն Սարգսյանը: «Արմենպրես»-ի փոխանցմամբ՝ այս մասին տեղեկանում ենք ՀՀ նախկին վարչապետ Տիգրան Սարգսյանի «Ֆեյսբուք»-յան գրառումից:
«Երկարատև հիվանդությունից հետո կյանքից հեռացել է սիրելի եղբայրս, ՀՀ-ի արտակարգ և լիազոր դեսպանը»,- գրել է Տիգրան Սարգսյանը:
Արմեն Սարգսյանը տարբեր տարիների եղել է Հայաստանի Հանրապետության դեսպանը Չինաստանում, Վիետնամում, Սինգապուրում, Մոնղոլիայում Բուլղարիայում:
Պարգևատրվել է ԽՍՀՄ ՊՄ, ՀՀ ՊՆ և ՉԺՀ ՊՆ գերատեսչական մեդալներով։
