Կենտրոնական Անգլիայում հարձակման հետևանքով 11 մարդ  վիրավորվել է դանակի հարվածներից

ԵՐԵՎԱՆ, 23 ԱՊՐԻԼԻ, ԱՐՄԵՆՊՐԵՍ: Կենտրոնական Անգլիայում 33 տարեկան տղամարդը դանակով հարձակվել է մարդկանց վրա, ինչի հետևանքով 11 անձ է տուժել:

Ինչպես հաղորդում է «Արմենպրես»-ը, վկայակոչելով ՏԱՍՍ-ը, այս մասին ապրիլի 23-ին հաղորդագրություն է տարածել Ուորիքշիր կոմսության ոստիկանությունը:

Ընդգծվում է, որ հարձակվողը տեղացի է, որին ձերբակալել են իրավապահ մարմինները: Տուժածներից մեկին ստիպված են եղել հոսպիտալացնել, մյուսները աննշան վիրավորվել են:

Միջադեպը տեղի է ունեցել Բեդվորտի կենտրոնում՝ քաղաքի, որն ունի 30 հազար բնակչություն: