Թուրքիայի ԶՈւ-ն նոր ռազմական գործողություն է սկսել Իրաքի հյուսիսում

ԵՐԵՎԱՆ, 18 ԱՊՐԻԼԻ, ԱՐՄԵՆՊՐԵՍ: Թուրքիայի ԶՈւ-ն Իրաքի հյուսիսում մեկնարկել է «Մագիլ-կողպեք» ռազմական գործողության առաջին փուլը:

Այս մասին, ինչպես հաղորդում է «Արմենպրես»-ը, հայտնում է թուրքական «Անադոլու» լրատվական գործակալությունը:

Ռազմական գործողությունն ուղղված է «Քուրդիաստանի աշխատավորական կուսակցության»՝ Իրաքում տեղակայված ուժերի դեմ:

Թուրքիայի ազգային պաշտպանության նախարար Հուլուսի Աքարը նշել է, որ իրաքյան Մեթինա, Զապ և Ավաշին-Բասյան շրջաններում ռազմական գործողությունը սկսվել է ապրիլի 18-ի գիշերը՝ ավիացիայի աջակցությամբ։