367.79
Օտարերկրացիներն այսուհետ Թուրքիայի քաղաքացիություն կստանան 400 հազար դոլարի անշարժ գույք ձեռք բերելու դեպքում
1 րոպեի ընթերցում
ԵՐԵՎԱՆ, 13 ԱՊՐԻԼԻ, ԱՐՄԵՆՊՐԵՍ: Թուրքիայի իշխանությունները որոշում են ընդունել այն մասին, որ օտարերկրացիներն այդ երկրի քաղաքացիություն ստանալու նպատակով այսուհետ պետք է ձեռք բերեն ոչ թե 250 հազար, այլ 400 հազար ԱՄՆ դոլարի անշարժ գույք: «Արմենպրես»-ի փոխանցմամբ, այս մասին որոշումն ընդունվել է նախագահ Ռեջեփ Թայիփ Էրդողանի ղեկավարությամբ կայացած կառավարության նիստի ընթացքում: Որոշումն առաջիկայում հրապարակվելու է կառավարական Պաշտոնաթերթում:
Օտարերկրացիները, ովքեր անշարժ գույք ձեռք բերելու դիմաց դիմելու են քաղաքացիություն ստանալու, պարտավորվելու են առնվազն երեք տարվա ընթացքում այն չվաճառել կամ չփոխանցել ուրիշին:
2012 թվականից Թուրքիայում օտարերկրացիները կարող էին քաղաքացիություն ստանալ 1 մլն ԱՄՆ դոլարի անշարժ գույք ձեռքբերելու պարագայում: 2018 թվականին այդ գումարը նվազեցվել էր մինչև 250 հազար ԱՄՆ դոլարի:
Բաժանորդագրվեք մեր ալիքին Telegram-ում