Եվրոյի գոտում գնաճը փետրվարին հասել Է տարեկան հաշվարկով 5,9 տոկոս բացարձակ ռեկորդի

ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: Եվրոյի գոտում գնաճը փետրվարին տարեկան հաշվարկով հասել Է 5,9 տոկոսի, ինչը դարձել Է ռեկորդ այդ արժույթի գոյության ամբողջ ժամանակամիջոցում: Մարտի 17-ին այս տվյալները հրապարակել Է Եվրամիության վիճակագրական գործակալությունը՝ Եվրոստատը, տեղեկացնում Է «Արմենպրես»-ը:

«Փետրվարին գնաճի մակարդակը տարեկան հաշվարկով կազմել Է 5,9 տոկոս»,- ասված Է հաղորդագրության մեջ: Դա ամենաբարձր ցուցանիշն Է 2002 թվականին եվրոպական միասնական արժույթի լիարժեք սահմանման պահից: Եվրոստատն իրադարձությունների այս զարգացումը կապում Է Էներգակիրների գների շեշտակի աճի հետ: Գործակալության տվյալներով՝ փետրվարին Էներգիայի եւ Էներգակիրների գներն աճել են 32 տոկոսով, հաղորդել Է ՏԱՍՍ-ը: