Ռուսաստանի և Ուկրաինայի պատվիրակությունների միջև բանակցությունները շարունակվում են

ԵՐԵՎԱՆ, 28 ՓԵՏՐՎԱՐԻ, ԱՐՄԵՆՊՐԵՍ: Ռուսաստանի և Ուկրաինայի պատվիրակությունների միջև բանակցությունները շարունակվում են: «Արմենպրես»-ի հաղորդմամբ՝ Ուկրաինայի նախագահի աշխատակազմի ղեկավարի խորհրդական Միխայիլ Պոդոլյակն այս մասին գրառում է կատարել «Թվիթեր»-ի իր միկրոբլոգում:

«Ուկրաինական և ռուսական պատվիրակությունների միջև բանակցությունները շարունակվում են: Մի քանի րոպեից սկսվում է երրորդ ռաունդը»,-նշել է նա:

Переговоры между украинской и российской делегациями продолжаются. Через несколько минут начнётся третий раунд.

— Михайло Подоляк (@Podolyak_M) February 28, 2022

Բելառուսի Գոմելի մարզի տարածքում մեկնարկել են Ուկրաինայի և Ռուսաստանի բանակցությունները: Ռուսական կողմը ժամանել է Բելառուս դեռ փետրվարի 27-ին: Ուկրաինայի պատվիրակությունը ռազմական ուղղաթիռներով ժամանել է բանակցությունների վայր` դրանք մեկնարկելուց երկու ժամ առաջ: