Ուժեղացված ծառայության ընթացքում ոստիկանները Երևանում հյտնաբերել են 21 միավոր սառը զենք, 2 ինքնաձիգ, մարտական և գազային ատրճանակներ
1 րոպեի ընթերցում
![Ուժեղացված ծառայության ընթացքում ոստիկանները Երևանում հյտնաբերել են 21 միավոր սառը զենք, 2 ինքնաձիգ, մարտական և գազային ատրճանակներ](http://armenpress.am/resized/480/static/news/b/2022/02/1075461.jpg)
ԵՐԵՎԱՆ, 13 ՓԵՏՐՎԱՐԻ, ԱՐՄԵՆՊՐԵՍ: ՀՀ ոստիկանության ստորաբաժանումները փետրվարի 12-ին Երևանում իրականացրել են ուժեղացված ծառայություն: Միջոցառումների ընթացքում կատարվել են տարատեսակ ստուգումներ, այդ թվում՝ տրանսպորտային միջոցների: Հայտնաբերվել է 21 միավոր սառը զենք, 2 ինքնաձիգ, մարտական և գազային ատրճանակներ, թմրանյութ: «Արմենպրես»-ի հաղորդմամբ՝ ՀՀ ոստիկանությունն այս մասին տեղեկացրել է «Ֆեյսբուք»-ի իր էջում։
«Մեր քաղաքացիների ներողամտությունն ենք հայցում պատճառված անհանգստության համար, բայց միևնույն ժամանակ հիշեցնենք, որ այդ կարգի գործողություններն իրականացվում են հենց քաղաքացու անվտանգությունն ապահովելու նպատակով:
Մասնավորապես այսօր, ընդամենը մի քանի ժամվա ընթացքում հայտնաբերվել է 21 միավոր սառը զենք, 2 ինքնաձիգ, մարտական և գազային ատրճանակներ, թմրանյութ և այլն:
Դժվար չէ պատկերացնել, թե նշված զենքն ինչպիսի վտանգ կարող էր ներկայացնել հենց քաղաքացիների համար:
Ոստիկանությունը պարբերաբար իրականացրել և իրականացնելու է նմանատիպ կանխարգելիչ և նախականխման միջոցառումներ:
Ակնկալում ենք մեր քաղաքացիների աջակցությունը հանրային անվտանգության ապահովմանն ուղղված գործողություններում»,- ասվում է հաղորդագրության մեջ: