Թեհրանի Մեծ շուկայում հրդեհ է բռնկվել

ԵՐԵՎԱՆ, 12 ՓԵՏՐՎԱՐԻ, ԱՐՄԵՆՊՐԵՍ: Թեհրանի Մեծ շուկայում փետրվարի 12-ին խոշոր հրդեհ է բռնկվել: «Արմենպրես»-ի հաղորդմամբ, այս մասին հայտնում է ՏԱՍՍ-ը:

Հրդեհի հետևանքով տուժել են մի քանի խանութներ ու կրպակներ, որոնց հստակ թիվն այս պահին չի հստակեցվում: Չկան տվյալներ նաև հրդեհի հետևանքով տուժած անձանց վերաբերյալ: Փրկարար ծառայությունները կարողացել են տեղայնացնել հրդեհը:

Դեպքի վայրում աշխատում է առնվազն վեց հրդեհ բրիգադ: