Հայաստանում մեկնարկել է «ԳինուԳործ» ծրագիրը, որը հայկական գինեգործության զարգացման համար նոր հնարավորություն կստեղծի

2 րոպեի ընթերցում

ԵՐԵՎԱՆ, 27 ՀՈՒՆՎԱՐԻ, ԱՐՄԵՆՊՐԵՍ:Հայաստանում մեկնարկել է «ԳինուԳործ» (WineBizz) ծրագիրը, որը կնպաստի գինեգործության ոլորտում առևտրային հարաբերությունների և համագործակցության խթանմանը բուլղարական և հայկական ընկերությունների ու գործարար ծառայություններ մատուցողների միջև։

Ինչպես «Արմենպրես»-ին հայտնում են ներդրումների աջակցման կենտրոնից, ծրագիրն իրականացվում է ԵՄ EU4BCC: Connecting Companies նախաձեռնության հովանու ներքո: Գործընկերներն են «Էնթերփրայզ Արմենիա» («Ներդրումների աջակցման կենտրոն») հիմնադրամը (Հայաստան) և Յամբոլի առևտրաարդյունաբերական պալատը (Բուլղարիա):

Նշվում է, որ ծրագրի արդյունքում երկու երկրների գործարար շրջանակների միջև կակտիվանա գինեգործության ոլորտում տեղեկատվության փոխանակումը, կձևավորվի բարենպաստ միջավայր փոխադարձ առևտրի համար:

Ծրագրի շրջանակում կկազմակերպվեն հայ գինեգործների և գործարար ծառայություններ մատուցողների այցեր Բուլղարիա, ինչպես նաև բուլղարական պատվիրակության ուսուցողական այց Հայաստան: Փոխադարձ այցերի միջոցով երկու կողմերը կծանոթանան Հայաստանի և Բուլղարիայի բիզնես և ներդրումային միջավայրին, հնարավորություն կունենան փորձի փոխանակման, կայցելեն առաջատար գինեգործական ընկերություններ: Հայկական գործարար ծառայություններ մատուցողների համար կստեղծվի կարողությունների զարգացման բացառիկ հնարավորություն՝ Բուլղարիայում մասնագիտական դասընթացի շնորհիվ:

Ծրագիրը գինեգործության ոլորտի հայկական ՓՄՁ-ներին միջազգային համագործակցություն հաստատելու և իրենց արտադրանքը արտաքին շուկաներում իրացնելու նոր հնարավորություն է ստեղծում: Այն նաև նոր խթան կլինի հայկական գործարար ծառայություններ մատուցողների համար, արտերկրի փորձին ծանոթանալու և Հայաստանում նոր որակի ծառայություններ ներդնելու համար:

Ծրագիրը կտևի չորս ամիս:

Հայերեն

Ֆրանցիսկոս պապը փետրվարի 14-ից հետո առաջին անգամ ներկայացել է Վատիկանի Սուրբ Պետրոս հրապարակում

Մարդն իրեն իսկապես մարդ է զգում հենց դժվար, բայց ազնիվ ինքնաճանաչման շնորհիվ. Ռուբեն Վարդանյան

Խամենեին ԶՈՒ-ն բերել է բարձր պատրաստվածության վիճակի, տարածաշրջանի երկրները ծանուցվել են ԱՄՆ-ին աջակցելու անթույլատրելիության մասին. Reuters-ի անանուն աղբյուր

ՀՀ ԳԱԱ ինստիտուտը Վրաստանում տեղի ունեցած 3.6 մագնիտուդ ուժգնությամբ երկրաշարժ է գրանցել

Եղվարդ-Աշտարակ ավտոճանապարհին ձորակում հայտնված ավտոմեքենայի վարորդը հոսպիտալացվել է

Թիվ 14 և 31 ԸԸՀ-ներն ամփոփել են մարտի 30-ի ՏԻՄ ընտրությունների վերջնական արդյունքները

Արթուր Ալեքսանյանը՝ 2024 թվականի Եվրոպայի հունահռոմեական ոճի լավագույն ըմբիշ, Արմեն Բաբալարյանը՝ լավագույն մարզիչ

Հայաստանում սպասվում են կարճատև անձրևներ, հնարավոր է՝ ամպրոպ, եղանակը կտաքանա 2-3 աստիճանով

Իրանը ցանկանում է իրավահավասար հիմունքներով երկխոսություն վարել այլ երկրների հետ. նախագահ Փեզեշքիան

Խակասիայում փոթորկի հետևանքով 32 մարդ Է տուժել