1 րոպեի ընթերցում
ԵՐԵՎԱՆ, 3 ՀՈՒՆՎԱՐԻ, ԱՐՄԵՆՊՐԵՍ: Ճապոնական Սապորրո քաղաքը կարող է ընդունել 2030 թվականի ձմեռային Օլիմպիական խաղերը:
«Արմենպրես»-ի հաղորդմամբ` այս մասին գրում է Kyogo գործակալությունը: Միջազգային օլիմպիական կոմիտեի և ճապոնացի պաշտոնյաների ոչ պաշտոնական հանդիպման ընթացքում կողմերը քննարկել են Խաղերը Սապորրոյում անցկացնելու հնարավորությունները:
Սապորրոն Օլիմպիական խաղերն ընդունել է 1972 թվականին և արդեն իսկ ունի դրանք ևս մեկ անգամ անցկացնելու համար անհրաժեշտ բոլոր ենթակառուցվածքները:
2022 թվականի ձմեռային Օլիմպիական խաղերը կկայանան Պեկինում, 2026 Խաղերը` Միլանում և Կորտինա դ’Ամպեցոյում: 2030 թվականի ձմեռային Խաղերը ընդունելու ցանկություն ունեն նաև կանադական Վանկուվեր և ամերիկյան Սոլթ-Լեյք Սիթի քաղաքները: