368.15
Մեծ Բրիտանիայում օմիկրոն շտամով վարակից մահացել է 14 մարդ
1 րոպեի ընթերցում
ԵՐԵՎԱՆ, 22 ԴԵԿՏԵՄԲԵՐԻ, ԱՐՄԵՆՊՐԵՍ: Մեծ Բրիտանիայում կորոնավիրուսի օմիկրոն շտամով վարակից մահերի թիվը հասել է 14-ի: Ինչպես փոխանցում է«Արմենպրես»-ը, այս մասին Sky News-ին տված հարցազրույցում հայտնել է Թագավորության առողջապահության փոխնախարար Ջիլիան Կիգանը:
Մահվան առաջին դեպքը գրանցվել է դեկտեմբերի 13-ին: Կիգանը տեղեկացրել է, որ ներկայում օմիկրոն շտամով հոսպիտալացված է 129 մարդ, ինչը 12 անգամ գերազանցում է նախորդ շաբաթվա ցուցանիշը:
Վերջին օրերին Մեծ Բրիտանիայում գրանցվում է մեկ օրում կորոնավիրուսի 80-90 հազար նոր դեպք, ինչը համավարակի սկզբից ի վեր ռեկորդային թիվ է երկրի համար: Համաձայն կառավարության վերջին տվյալների՝ վարակման դեպքերի 60 տոկոսը բաժին է ընկնում օմիկրոն շտամին, իսկ Լոնդոնում այդ ցուցանիշը կազմում է 80 տոկոս:
Բաժանորդագրվեք մեր ալիքին Telegram-ում