Արմեն Սարգսյանն ընդունել է Հայաստանում Քուվեյթի դեսպան Նաուաֆ Ալ-Էնեզիին
1 րոպեի ընթերցում
![Արմեն Սարգսյանն ընդունել է Հայաստանում Քուվեյթի դեսպան Նաուաֆ Ալ-Էնեզիին](http://armenpress.am/resized/480/static/news/b/2021/12/1071394.jpg)
ԵՐԵՎԱՆ, 22 ԴԵԿՏԵՄԲԵՐԻ, ԱՐՄԵՆՊՐԵՍ: Նախագահ Արմեն Սարգսյանը դեկտեմբերի 22-ին ընդունել է Հայաստանում Քուվեյթի Պետության արտակարգ և լիազոր դեսպան Նաուաֆ Ալ-Էնեզիին:
«Արմենպրես»-ի փոխանցմամբ՝ ՀՀ նախագահի աշխատակազմից հայտնում են, որ հանդիպմանը մտքեր են փոխանակվել հայ-քուվեյթական հարաբերությունների ներկա մակարդակի և զարգացման հեռանկարների շուրջ: Մասնավորապես նշվել է, որ երկու երկրները փոխգործակցության ներուժ ունեն բանկային, զբոսաշրջության և բարձր տեխնոլոգիաների ոլորտներում:
Անդրադարձ է եղել նաև տարածաշրջանային հարցերի: