Ազգային ստադիոն ունենալու գաղափարը կյանքի կոչելու շուրջ աշխատանքները շարունակվում են. Արմեն Մելիքբեկյան
1 րոպեի ընթերցում
ԵՐԵՎԱՆ, 20 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի ֆեդերացիան Ազգային մարզադաշտի կառուցման հարցում կարող էհստակություն մտցնել առաջիկա 1-2 ամսվա ընթացքում:
«Ազգային ստադիոն ունենալու գաղափարը կյանքի կոչելու շուրջ աշխատանքները շարունակվում են: Եթե մի քանի հարցեր ամբողջականացնենք, ապա մենք կանգնած ենք մի կետում,երբ նախնական հուշագիր կարող ենք ստորագրել մի ընկերության հետ, որը կպատրաստվի մեր աջակցությամբ Ազգային ստադիոն կառուցել»,-«Արմենպրես»-ի հաղորդմամբ` լրագրողների հետ հանդիպման ժամանակ ասաց ՀՖՖ նախագահ Արմեն Մելիքբեկյանը:
Վերջինիս խոսքով` ամեն ինչ առավել հստակ կդառնա առաջիկա 1-2 ամսվա ընթացքում: Հուշագրի ստորագրումից հետո պայմանագրի ստորագրման շուրջհստակ աշխատանքներ կտարվեն: