1 րոպեի ընթերցում
ԵՐԵՎԱՆ, 20 ԴԵԿՏԵՄԲԵՐԻ, ԱՐՄԵՆՊՐԵՍ: Հաջորդ տարի Երևանում շահագործման կհանձնվի հայկական ֆուտբոլի լեգենդ Խորեն Հովհաննիսյանի անվան ֆուտբոլային դպրոցը:
«Արմենպրես»-ի հաղորդմամբ` այս մասին լրագրողների հետ զրույցում ասաց Հայաստանի ֆուտբոլի ֆեդերացիայի նախագահ Արմեն Մելիքբեկյանը:
«Հաջորդ տարվա առաջին կիսամյակում մենք շահագործման կհանձնենք Խորեն Հովհաննիսյանի անվան ֆուտբոլի դպրոցը, ինչը շատ ենք կարևորում: Այն կլինի Երևանի կենտրոնում` Վազգեն Սարգսյանի անվան Հանրապետական մարզադաշտի մոտ և կուեննա արհեստական խոտածածկ»,-ասաց նա:
Մելիքբեկյանի խոսքով` այդ դպրոցում հնարավորություն կունենան մարզավելու մոտ 200 երեխա: