366.85
Արմեն Սարգսյանն ու Հայաստանում Ղազախստանի դեսպանը հանդիպման ընթացքում անդրադարձել են տարածաշրջանային անվտանգության հարցերին
1 րոպեի ընթերցում
ԵՐԵՎԱՆ, 16 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ Նախագահ Արմեն Սարգսյանը դեկտեմբերի 16-ին ընդունել է Հայաստանի Հանրապետությունում Ղազախստանի Հանրապետության արտակարգ և լիազոր դեսպան Բոլատ Իմանբաևին:
Ինչպես «Արմենպրես»-ին տեղեկացնում են նախագահի աշխատակազմից, Արմեն Սարգսյանը Ղազախստանի պետական տոնի՝ անկախության օրվա առթիվ շնորհավորել է դեսպան Իմանբաևին և իր բարեմաղթանքները հղել Ղազախստանի բարեկամ ժողովրդին:
Հանդիպմանը մտքեր են փոխանակվել երկկողմ և բազմակողմ ձևաչափերով համագործակցության շուրջ:
Անդրադարձ է եղել նաև տարածաշրջանային անվտանգության ու կայունության հարցերին:
Բաժանորդագրվեք մեր ալիքին Telegram-ում