Արմեն Սարգսյանն ընդունել է Հայաստանում Բելառուսի դեսպանին

ԵՐԵՎԱՆ, 16 ԴԵԿՏԵՄԲԵՐԻ, ԱՐՄԵՆՊՐԵՍ: Նախագահ Արմեն Սարգսյանը դեկտեմբերի 16-ին ընդունել է Հայաստանի Հանրապետությունում Բելառուսի Հանրապետության արտակարգ և լիազոր դեսպան Ալեքսանդր Կոնյուկին:

Ինչպես «Արմենպրես»-ին տեղեկացնում են նախագահի աշխատակազմից, հանդիպմանն Արմեն Սարգսյանն ու Կոնյուկը մտքեր են փոխանակել երկկողմ և բազմակողմ ձևաչափերով համագործակցության հարցերի շուրջ:

Անդրադարձ է եղել նաև տարածաշրջանային անվտանգության ու կայունության խնդիրներին: