367.89
Հարավային Կորեայում օմիկրոն շտամով վարակման 9 դեպք է հաստատվել
1 րոպեի ընթերցում
ԵՐԵՎԱՆ, 4 ԴԵԿՏԵՄԲԵՐԻ, ԱՐՄԵՆՊՐԵՍ։ Հարավային Կորեայում հաստատվել է կորոնավիրուսի նոր՝ օմիկրոն շտամով վարակման 9 դեպք: Ինչպես փոխանցում է«Արմենպրես»-ը, այս մասին հայտնել է Հիվանդությունների վերահսկման ու պրոֆիլակտիկայի կորեական գործակալությունը:
Դեպքերից հինգը եկել են արտասահմանից, իսկ չորսը դեպք հայտնաբերվել է երկրի ներսում:
Առաջին դեպքը գրանցվել է հարավկորեացի զույգի մոտ, որը, Moderna-ով լիարժեք պատվաստված լինելով, նոյեմբերի 14-23-ն այցելել է Նիգերիա: Պարզվել է, որ զույգը կեղծ տվյալներ է տրամադրել այն մասին, թե ինչպես է օդանավակայնից տեղափոխվել տուն. հատուկ տաքսիի փոխարեն զույգին տուն է տեղափոխել Ուզբեկստանից ծանոթը, ում մոտ ևս հաստատվել է կորոնավիրուսի օմիկրոն շտամի առկայությունը: Այժմ ստուգվում են ուզբեկ վարորդի հետ շփման մեջ եղած ևս 79 մարդ:
Իշխանությունները մտադիր են դատի տալ զույգին նման տեղեկատվությունը թաքցնելու համար:
Բաժանորդագրվեք մեր ալիքին Telegram-ում