Ադրբեջանը Վերին Շորժայի հատվածում կրակել է հայկական դիրքերի ուղղությամբ

ԵՐԵՎԱՆ, 13 ՆՈՅԵՄԲԵՐԻ, ԱՐՄԵՆՊՐԵՍ։ Ադրբեջանական ԶՈՒ ստորաբաժանումները նոյեմբերի 13-ին, ժամը 12։10-ի սահմաններում, կրակ են բացել հայ-ադրբեջանական սահմանի Գեղարքունիքի մարզի, մասնավորապես՝ Վերին Շորժայի ուղղությամբ տեղակայված հայկական դիրքերի ուղղությամբ։

Պատասխան գործողություններով հակառակորդի կրակը լռեցվել է։ Հայկական կողմից տուժածներ չկան։