387.99
Մերկելը Գերմանիայի քաղաքացիներին պատվաստվելու կոչ է արել
1 րոպեի ընթերցում
ԵՐԵՎԱՆ, 13 ՆՈՅԵՄԲԵՐԻ, ԱՐՄԵՆՊՐԵՍ: Գերմանիայի կանցլերի պաշտոնակատար Անգելա Մերկելը նախազգուշացրել է քաղաքացիներին կորոնավիրուսի պատճառով սպասվող դժվարին օրերի մասին և կոչ արել բոլորին պատվաստվել: Ինչպես փոխանցում է«Արմենպրես»-ը, այս մասին հայտնում է «ՌԻԱ Նովոստի»-ն:
«Առաջիկայում դժվար շաբաթներ են, և ես շատ անհանգիստ եմ: Խնդրում եմ բոլորին, ով դեռ պատվաստված չէ, ևս մեկ անգամ մտածել»,- ասել է Մերկելը:
Իսպանիայի ու Պորտուգալիայի օրինակով նա նշել է բուսթերային պատվաստման կարևորությունը նրանց համար, ովքեր շուրջ կես տարի առաջ արդեն պատվաստում իրականացրել են:
Գերմանիայում վերջին շաբաթվա ընթացքում արագացված տեմպերով աճում է կորոնավիրուսով վարակվածների թիվը: Իշխանությունները սկսել են սահմանափակումներ կիրառել նրանց համար, ովքեր հրաժարվում են պատվաստվելուց:
Բաժանորդագրվեք մեր ալիքին Telegram-ում
