368.53
Կամչատկայում Կարիմի հրաբուխն ավելի քան 5 կիլոմետր բարձրությամբ մոխրասյուն Է արտանետել
1 րոպեի ընթերցում
ԵՐԵՎԱՆ, 12 ՆՈՅԵՄԲԵՐԻ, ԱՐՄԵՆՊՐԵՍ: Կամչատկայում Կարիմի հրաբուխը նոյեմբերի 12-ին մոխրասյուն Է արտանետել: Այդ մասին հաղորդել Է Ռուսաստանի Գիտությունների ակադեմիայի Հրաբխագիտության եւ սեյսմոլոգիայի ինստիտուտի հեռավորարեւելյան բաժանմունքի հրաբխային ժայթքումների հակազդման Կամչատկայի խումբը (KVERT), տեղեկացնում Է «Արմենպրես»-ը:
«Մոխրաշլեյֆը տարածվել Է հրաբխից դեպի հյուսիս-արեւելք 56 կիլոմետր հեռավորության վրա»,-ասվում Է հաղորդագրության մեջ KVERT-ը սահմանել Է ավիացիայի համար վտանգավորության առավել վտանգավոր գունային կոդը՝ նարնջագույնը: Արտակարգ իրավիճակների նախարարության (ԱԻՆ) Կամչատկայի երկրամասի գլխավոր վարչությունում «Ինտերֆաքս»-ին հաղորդել են, որ մոխրաշլեյֆի տարածման ճանապարհին բնակավայրեր չկան:
«Բնակելի շրջաններում մոխաթափեր չեն գրանցվել»,-ասել են ԱԻՆ-ում: Սա մոխրի արտանետման արդեն երրորդ դեպքն Է շաբաթվա ընթացքում: Նախորդները գրանցվել են նոյեմբերի 9-ին եւ 10-ին: Կարիմի (1536 մետր բարձրությամբ) հրաբուխն ամենաակտիվներից մեկն Է Կամչատկայում, որը գտնվում Է երկրամասի Ելիզովի շրջանում՝ Պետրոպավլովսկի Կամչատկայից 125 կիլոմետր դեպի հյուսիս:
Բաժանորդագրվեք մեր ալիքին Telegram-ում