ԱՊՀ պետությունների ԶՈՒ կապի պետերի համադրման կոմիտեի նիստում քննարկվել են ռազմական համագործակցության հարցեր
1 րոպեի ընթերցում
![ԱՊՀ պետությունների ԶՈՒ կապի պետերի համադրման կոմիտեի նիստում քննարկվել են ռազմական համագործակցության հարցեր](http://armenpress.am/resized/480/static/news/b/2021/10/1064932.jpg)
ԵՐԵՎԱՆ, 6 ՀՈԿՏԵՄԲԵՐԻ, ԱՐՄԵՆՊՐԵՍ։ ՀՀ ՊՆ վարչական համալիրում հոկտեմբերի 6-ին մեկնարկել է ԱՊՀ պետությունների զինված ուժերի կապի պետերի համադրման կոմիտեի հերթական նիստը։
«Արմենպրես»-ի փոխանցմամբ՝ այս մասին հայտնում են ՀՀ ՊՆ-ից՝ մանրամասնելով, որ նիստին մասնակցել են ԱՊՀ պաշտպանության նախարարների խորհրդի քարտուղարության, Հայաստանի, Ռուսաստանի, Բելառուսի, Ղազախստանի, Ղրղըզստանի, Տաջիկստանի և Ուզբեկստանի զինված ուժերի ներկայացուցիչները։
Նիստում քննարկվել են ռազմական համագործակցության հարցեր, ձեռք են բերվել պայմանավորվածություններ, ստորագրվել են մի շարք փաստաթղթեր։