1 րոպեի ընթերցում
ԾԱՂԿԱՁՈՐ, 29 ՍԵՊՏԵՄԲԵՐԻ, ԱՐՄԵՆՊՐԵՍ: Օլիմպիական խաղերի բրոնզե մեդալակիր Հովհաննես Բաչկովը մեծ ծանրաբեռնվածությամբ է մոտենում աշխարհի առաջնությանը:
«Արմենպրես»-ի հաղորդմամբ` լրագրողների հետ զրույցում այս մասին հայտնեց բռնցքամարտիկն, ով այս օրերին ծաղկաձորյան հավաքին է մասնակցում:
«Գիտեմ, որ շատ դժվար է լինելու աշխարհի առաջնությունում, քանի որ Օլիմպիական խաղերից մի քանի ամիս է միայն անցել: Այս տարին աշխարհի առաջնությանը մասնակցում են նաև նրանք, ովքեր եղել են Օլիմպիական խաղերին: Ուժեղ կազմ է հավաքել»,-ասաց Բաչկովը:
Հայաստանի ընտրանին այս օրերին Ծաղկաձորում է: Հոկտեմբերի 6-ից հավաքական թիմը Երևանում կանցկացնի վերջին ուսումնամարզական հավաքը: Աշխարհի առաջնությունը կմեկնարկի հոկտեմբերի 25-ին: