388.04
Ուրուգվայի ԱԳ նախարարը Ծիծեռնակաբերդի հուշահամալիրում հարգանքի տուրք է մատուցել Հայոց ցեղասպանության զոհերի հիշատակին
1 րոպեի ընթերցում
ԵՐԵՎԱՆ, 16 ՕԳՈՍՏՈՍԻ, ԱՐՄԵՆՊՐԵՍ: Ուրուգվայի արտաքին գործերի նախարար Ֆրանսիսկո Բուստիժոն Ծիծեռնակաբերդի հուշահամալիրում հարգանքի տուրք է մատուցել Հայոց ցեղասպանության զոհերի հիշատակին:
«Արմենպրես»-ի փոխանցմամբ՝ Ուրուգվայի արտաքին գործերի նախարարին ուղեկցել է Հայաստանի արտաքին գործերի նախարարի պարտականությունները կատարող Արմեն Գրիգորյանը:
Ուրուգվայի արտաքին գործերի նախարարը ծաղիկներ է խոնարհել Հայոց ցեղասպանության զոհերի հիշատակը հավերժացնող անմար կրակի մոտ:
Ֆրանսիսկո Բուստիժոն շրջայց է կատարել նաև Հայոց ցեղասպանության թանգարանում:
Բաժանորդագրվեք մեր ալիքին Telegram-ում