Արմեն Սարգսյանը շնորհավորական ուղերձ է հղել Լատվիայի նախագահին

ԵՐԵՎԱՆ, 30 ՀՈՒՆԻՍԻ, ԱՐՄԵՆՊՐԵՍ։Հանրապետության նախագահ Արմեն Սարգսյանը ծննդյան օրվա առթիվ շնորհավորական ուղերձ է հղել Լատվիայի Հանրապետության նախագահ Էգիլս Լևիտսին: «Արմենպրես»-ին այս մասին հայտնեցին ՀՀ նախագահի աշխատակազմի հասարակայնության հետ կապերի վարչությունից:

Նախագահ Սարգսյանը համոզմունք է հայտնել, որ Հայաստանի և Լատվիայի միջև համագործակցությունը կշարունակի ամրապնդվել և զարգանալ՝ արձանագրելով նոր ձեռքբերումներ: