1 րոպեի ընթերցում
ԵՐԵՎԱՆ, 21 ՀՈՒՆԻՍԻ, ԱՐՄԵՆՊՐԵՍ: Սոնա Ռուբենյանը երկրպագուների դատին է հանձնել «Հայ գարուններ» ստեղծագործությունը: Երգի հոլովակն արդեն համացանցում է:
«Արմենպրես»-ի հաղորդմամբ՝ երաժշտությունը գրել է Արթուր Գրիգորյանը, բառերի հեղինակը Վահան Անդրեասյանն է, դաշնակահարը՝ Կարեն Անանյանը:
Սոնա Ռուբենյանն առաջին անգամ բեմ է բարձրացել հինգ տարեկանում «Կռունկ» մրցույթի շրջանակում։ Այդ ժամանակ Սոնան արդեն սովորում էր Երգի պետական թատրոնի վոկալ բաժնում: 2012 թվականին մասնակցելով «Հայ սուպերսթար» հեռուստանախագծի 5-րդ եթերաշրջանին՝ նա դառնում է մրցույթի հաղթող։ 2017 թվականից դերասան, հումորիստ, երաժիշտ Գարիկ Պապոյանի հետ կազմել է «Գարիկ Սոնա» խումբը, ներկայացրել հայկական հին ու նոր երգերի վերամշակված տարբերակները, հանդես եկել մի շարք համերգներով: