Մեկնարկել է «Հայոց լեզու» առարկայից միասնական քննությունը
1 րոպեի ընթերցում
![Մեկնարկել է «Հայոց լեզու» առարկայից միասնական քննությունը](http://armenpress.am/resized/480/static/news/b/2021/06/1055377.jpg)
ԵՐԵՎԱՆ, 15 ՀՈՒՆԻՍԻ, ԱՐՄԵՆՊՐԵՍ։ ՀՀ 29 քննական կենտրոնում հունիսի 15-ին անց է կացվում միասնական քննություն՝ «Հայոց լեզու» առարկայից։
«Արմենպրես»-ի հաղորդմամբ՝ քննական կենտրոններից 7-ը մայրաքաղաքում են, մնացած 22-ը՝ մարզերում:
Նախատեսվում է, որ քննություն է հանձնելու 3 751 դիմորդ։
«Մարզերում դիմորդների թիվը 2 795 է, իսկ Երևանում միասնական քննություն հանձնողները 956-ն են։ Քննական ծրարները կբացվեն ժամը 09։30-ին, ինչից հետո կմեկնարկի քննությունը»,- հայտնում են Գնահատման և թեստավորման կենտրոնից: