5,3 մագնիտուդով երկրաշարժ Է տեղի ունեցել Կուրիլյան կղզիների մերձակայքում

ԵՐԵՎԱՆ, 7 ՀՈՒՆԻՍԻ, ԱՐՄԵՆՊՐԵՍ: Հունիսի 7-ի 03՛:01-ին (Երեւանի ժամանակով հունիսի 6-ի 20:01-ին) սեյսմոլոգները 5,3 մագնիտուդով երկրաշաժ են գրանցել Խաղաղ օվկիանոսի ջրատարածքում՝ Կուրիլյան կղզիների (Սախալինի մարզ) մերձակայքում: Ինչպես տեղեկանում Է «Արմենպրես»-ը, այդ մասին ՏԱՍՍ-ին հայտնել են Ռուսաստանի Գիտությունների ակադեմիայի Միասնական երկրաֆիզիկական ծառայության Սախալինի մասնաճյուղում: «Էպիկենտրոնի կոորդինատներն են հյուսիսային լայնության 50,4, արեւելյան երկայնության 157,2: Էպիկենտրոնը գտնվել Է Մեծ կուրիլյան շարքի Օնեկոտան կզուց 204 կիլոմետր դեպի արեւելք:

Օջախի խորությունը կազմել Է 59 կիլոմետր»,- պատմել են մասնաճյուղում: Սեյսմոլոգների տեղեկատվությամբ՝ Մեծ կուրնիլյան շարքի Պարամուշիր կղզու Սեւերո Կուրիլսկ քաղաքում բնակիչներն զգացել են ստորգետնյա ցնցումները: Դրանց ուժն այժմ ճշտվում Է: