Ռուսաստանի եւ ԱՄՆ-ի պատվիրակությունները Վիեննայի հանդիպմանը կքննարկեն Իրանի հետ միջուկային գործարքը

ԵՐԵՎԱՆ, 28 ԱՊՐԻԼԻ, ԱՐՄԵՆՊՐԵՍ: Ռուսաստանի եւ ԱՄՆ-ի պատվիրակությունները պլանավորում են ապրիլի 29-ին հանդիպում անցկացնել, որը նվիրված կլինի իրանական միջուկային գործարքին: Այդ մասին ապրիլի 28-ին հայտարարել Է Վիեննայում միջազգային կազմակերպություններին առընթեր ՌԴ մշտական ներկայացուցիչ Միխայիլ Ուլյանովը, տեղեկացնում Է «Արմենպրես»-ը:

«Ինչպես եւ նախորդ փուլերի ընթացքում, պլանավորվում Է ռուսաստանյան եւ ամերիկյան պատվիրակությունների երկկողմ հանդիպում, առաջիկա հանդիպումը պլանավորված Է վաղը՝ ապրիլի 29-ին»,-լրագրողներին ասել Է Ուլյանովը: Միջուկային գործարքի շուրջ բանակցությունների երրորդ փուլը Վիեննայում սկսվել Է ապրիլի 27-ին՝ իրանական միջուկային ծրագրի վերաբերյալ Գործողությունների համատեղ համապարփակ ծրագրի (ԳՀՀԾ) գծով Համատեղ հանձնաժողովի պաշտոնական նիստով, որն անցկացվել Է քաղտնօրենների մակարդակով: Ուլյանովը գլխավորում Է ռուսաստանյան պատվիրակությունը, հաղորդել Է ՌԻԱ Նովոստին: