1 րոպեի ընթերցում
ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: Հայոց ցեղասպանության 106-րդ տարելիցին ՌԴ-ում ՀՀ դեսպան Վարդան Տողանյանը և ՀԱԵ Ռուսաստանի և Նոր Նախիջևանի Հայոց թեմի առաջնորդ Եզրաս արքեպիսկոպոս Ներսիսյանն ապրիլի 24-ին ծաղկեպսակներ և ծաղիկներ են խոնարհել Մոսկվայի եկեղեցական համալիրի տարածքի Հայոց Ցեղասպանության զոհերի հիշատակը հավերժացնող հուշակոթողին։
«Արմենպրես»-ի հաղորդմամբ՝ այս մասին հայտնում է ՌԴ-ում ՀՀ դեսպանությունը:
Արարողությանը մասնակցել են ՌԴ տարբեր գերատեսչություններում ՀՀ ներկայացուցիչները, դեսպանության անձնակազմն ու հայ համայնքի ներկայացուցիչները։
Մոսկվայի Սուրբ Պայծառակերպություն եկեղեցում մատուցվել է Սուրբ Պատարագ, որի ավարտին կատարվել է Հայոց Ցեղասպանության սուրբ նահատակների բարեխոսական կարգ։
