397.92
ԱՄՆ Լոս Անջելես շրջանում ապրիլը հռչակվել է որպես հայկական պատմության ամիս
1 րոպեի ընթերցում
ԵՐԵՎԱՆ, 22 ԱՊՐԻԼԻ, ԱՐՄԵՆՊՐԵՍ: ԱՄՆ Կալիֆորնիա նահանգի Լոս Անջելես շրջանի ղեկավար մարմինը որոշում է կայացրել ապրիլը հռչակել որպես հայկական պատմության ամիս: «Արմենպրես»-ի փոխանցմամբ, այս մասին թվիթերյան իր էջում հայտնել է Լոս Անջելես շրջանի ղեկավար մարմնի անդամ Քեթրին Բարգերը:
Նա տեղեկացրել է նաև, որ ընդունված մեկ այլ որոշմամբ ապրիլի 24-ը հռչակվել է Հայոց ցեղասպանության հիշատակի օր:
«Լոս Անջելես շրջանն ուժեղ է հայերի բերած հսկայական ներդրումների շնորհիվ: Ես գնահատում եմ մեր հայ բնակիչների ձայնը և շարունակելու եմ լույս սփռել նրանց պատմության, ձեռքբերումների և առաջնահերթությունների վրա»,- նշել է Բարգերը:
Բաժանորդագրվեք մեր ալիքին Telegram-ում