1 րոպեի ընթերցում
ԵՐԵՎԱՆ, 21 ԱՊՐԻԼԻ, ԱՐՄԵՆՊՐԵՍ: Անձնակազմի մասնագիտական գիտելիքներն ու առաջադրված մարտական խնդիրների կատարման արդյունավետությունը զարգացնելու նպատակով ապրիլի 21-ին 5-րդ զորամիավորման կապի ստորաբաժանումների զինծառայողների հետ անցկացվել են ուսումնական վարժանքներ։
Ինչպես «Արմենպրես»-ին տեղեկացրին ՀՀ պաշտպանության նախարարության տեղեկատվության և հասարակայնության հետ կապերի վարչությունից, բացազատվել են կապի դաշտային հանգույցներ և շարժական կապի միջոցներ, իրականացվել հրամանատարական կետի անխափան կապի ապահովման աշխատանքներ, վարժանքների ծրագրով նախատեսված մի շարք այլ միջոցառումներ: