Ազատ ոճի ըմբշամարտի հավաքականը կորուստներով է մոտենում Եվրոպայի առաջնությանը 

ԵՐԵՎԱՆ, 19 ԱՊՐԻԼԻ, ԱՐՄԵՆՊՐԵՍ: Հայաստանի ազատ ոճի ըմբշամարտի հավաքականը կորուստներ ունի Եվրոպայի առաջնության մեկնարկից առաջ:

«Արմենպրես»-ի հաղորդմամբ` այս մասին հայտնում է ֆեդերացիան: Ազատ ոճային ըմբիշ 92 կգ քաշային Մարզպետ Գալստյանը ծնկի վնասվածքի պատճառով բաց կթողնի Եվրոպայի առաջնությունը:

Հավաքականի կազմում հանդես կգան Գևորգ Թադևոսյանը, Արման Անդրեասյանը, Հրայր Ալիխանյանը, Արման Ավագյանը՝ համապատասխանաբար 65 կգ, 70 կգ, 74 կգ, 79 կգ քաշային կարգերում:

Եվրոպայի առաջնությունը կկայանա ապրիլի 19-25-ը Լեհաստանում: