«Թիկունքը՝ մշակույթ, սահմանը՝ կենտրոն». 2021-ին մշակութային ծրագրեր կլինեն ՀՀ մարզերում և Արցախում

2 րոպեի ընթերցում

ԵՐԵՎԱՆ, 14 ԱՊՐԻԼԻ, ԱՐՄԵՆՊՐԵՍ: Հայաստանի սահմանամերձ գոտիներում, Արցախում մշակութային կյանքն ակտիվացնելու, հասարակությանը դրական հույզեր պարգևելու նպատակով ՀՀ կրթության, գիտության, մշակույթի և սպորտի նախարարությունը 2021-ին կյանքի կկոչի «Թիկունքը՝ մշակույթ, սահմանը՝ կենտրոն» ծրագիրը:

«Արմենպրես»-ի թղթակցի հետ զրույցում ՀՀ ԿԳՄՍ նախարարի տեղակալ Արա Խզմալյանն ասաց, որ իրենց ամենակարևոր առաջնահերթություններից է սահմանամերձ համայնքների, ինչպես նաև Արցախի մշակութային կյանքի ակտիվացումը մշտական միջոցառումների իրականացման միջոցով:

«Ես ունեմ խորքային այն համոզումը, որ առկա հոգեբանական, բարոյահոգեբանական խնդիրների ծավալը չի կարող հաղթահարել միայն հոգեբանական ինստիտուտը: Կարծում եմ՝ այս առումով մշակույթը զանգվածային թերապիայի լավագույն միջոցն է: Մի ներկայացմամբ, համերգով, համատեղ որևէ նախագծով, մշակութային որևէ իրադարձությամբ մենք շատ ավելի մեծ ծավալով ենք լուծում խնդիրներն ու ներշնչում մեր հայրենակիցներին, որ իրենք մենակ չեն, որ վտանգված չեն»,-ասաց Խզմալյանը:

Նա տեղեկացրեց, որ 2020-ին իրականացված «Թիկունքը՝ մշակույթ» խորագրով միջոցառումներն այս տարի կանցկացվեն «Թիկունքը՝ մշակույթ, սահմանը՝ կենտրոն» խորագրով: «Երբ ասում եմ սահման, հիմնականում նկատի ունեմ Տավուշը, Գեղարքունիքը, Սյունիքը: Մեղրիում են հետաքրքիր նախաձեռնություններ նախատեսվում: Նպատակ ունենք առաջիկայում կազմակերպել այց մեր պետական կառույցների, փառատոների ղեկավարների և մեր գործընկերների հետ Արցախի Հանրապետություն և այնտեղ քննարկել տարվա ծրագրերը ժամանակացույցով և բոլոր մյուս բաղադրիչներով: Արցախում նույնիսկ հայտնի մարդկանց պարզապես հրապարակով զբոսնելը կարող է շատ բան հուշել և կարևոր ուղերձ լինել հանրությանը»,-եզրափակեց փոխնախարարը:

Անժելա Համբարձումյան

Հայերեն Русский

Digitec expo. ի՞նչ տեխնոլոգիական լուծումներ են առաջարկում մասնակիցները

Էստոնիան դեկտեմբերի 1-ից կփակի Ռուսաստանի հետ սահմանը

ՀՀ ՊԵԿ-ը բացահայտվել են աննախադեպ քանակի ծխախոտային արտադրանքի անօրինական տեղափոխման դեպքեր

Երևանը տեխնոլոգիական ապագայի խաչմերուկում․ Digitec 2026-ը միավորել է ոլորտի առաջատարներին

«Ներառականությունը մշակութային կրթության ոլորտում» ծրագիրն ամփոփիչ փուլում է. դասընթացներն անցկացվում են Երևանում և Սյունիքի մարզում

Մեծ Բրիտանիան և Եվրամիությունը վերագործարկել են հարաբերությունները մի շարք համաձայնությունների ձեռքբերմամբ

Երեխաների իրավունքների պաշտպանությունը պետք է ապահովվի նաև թվային միջավայրում. ՀՀ ՄԻՊ

Հայաստանի ԱԳՄԱ նախարարությունը ցավակցել է Թբիլիսիի Փոնիճալա թաղամասում պայթյունի հետևանքով զոհերի ընտանիքներին

Հայաստան–Հունաստան համագործակցության ամենաբովանդակալից էջերը դեռ կարող են գրվել գալիք տարիներին․ դեսպան Տիգրան Մկրտչյանի հարցազրույցը «Պրոինոս Լոգոս» օրաթերթին

Փաշինյանը հայտարարել է՝ նոր Սահմանադրությամբ առաջարկում են պատերազմի ԴՆԹ-ն փոխարինել խաղաղության, զարգացման և անկախության ԴՆԹ-ով